Advertisement
SKIP THIS
आज:  | Mon, 21, Jun, 2021
FLASH NEWS

ओली–भण्डारी कदम मानवीय संवेदनाहीन क्रूरता: विवेकशील साझा पार्टी


समृद्ध अनलाईन ९ जेष्ठ २०७८, आईतवार १३:५४ मा प्रकाशित ( हफ्ता अघि) ७४७५ पाठक संख्या

काठकाण्डौं, जेठ ९ गते । विवेकशील साझा पार्टीले ओली–भण्डारी कदम मानवीय संवेदनाहीन क्रूरता भएको बताएको छ । पार्टीले आईतबार एक विज्ञप्ति जारी गर्दै यस्तो बताएको हो ।

विवेकशील साझा पार्टीका प्रवक्ता शरदराज पाठकले हस्ताक्षर गरि सार्वजानीक गरिएको विज्ञप्तिमा प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधि सभा विघटन तथा नयाँ निर्वाचनको घोषणाबारे आफ्नो धाराण सार्वजानिक गरेको हो ।
संसद् विघटनको कदम संविधान र लोकतन्त्रको हत्या गरी अधिनायकवादी शैलीमा शासन सत्ता संचालन गर्ने ओली र भण्डारीको पुरानै आकाङ्क्षाको सुनियोजित निरन्तरता भएको भन्दै
सर्वोच्च अदालतले संसद् विघटनबारे यसअघि जस्तै यस पटक पनि संवैधानिक सर्वोच्चता र लोकतन्त्रको पक्षमा फैसला गर्नेछ भन्ने विवेकशील साझा पार्टीको विश्वास रहेको बताईएको छ । कोभिड–१९ ले मुलुक आक्रान्त भएको बेला औषधी, अक्सिजन, अस्पतालमा शैया नपाएर नागरिकहरू रोइरहेका बेला निर्वाचनको घोषणा गर्नु मानवीय संवेदनाहीन क्रूरता भएको र
विवेकशील साझा पार्टी अहिलेको अवस्थामा कोरोना विरुद्धको खोप सरकारको पहिलो प्राथमिकता हुनुपर्छ भन्नेमा प्रष्ट रहेको बताईएको छ ।
विज्ञप्तिमा मुलुकमा राजनीतिक अराजकता र विकृति यो हदसम्म मौलाउनुमा प्रधानमन्त्री ओली र राष्ट्रपति भण्डारी मात्र होइन प्रमुख प्रतिपक्षीसहित संसद्का दलहरू पनि त्यत्तिकै जिम्मेवार छन्। परम्परागत राजनीतिक दलहरूको सामूहिक विफलताको चर्को मूल्य आज मुलुकले चुकाउनु परिरहेको र अघिल्लो पटक संसद् विघटन हुँदा विरोधको एकै स्वर बोलेका प्रतिपक्षी दलहरू ओलीलाई अविश्वासको प्रस्तावबाट हटाउन के कति स्वार्थले एक ठाउँ उभिन सकेनन्रु ओली र भण्डारीको सर्वसत्तावादबाट मुलुकलाई जोगाउन विपक्षी दलहरू कहाँ कहाँ र कसरी चुके ? यो प्रश्नको इमानदार जवाफ उनीहरूले दिनुपर्ने भनिएको छ ।
विवेकशील साझा पार्टीले विज्ञप्ति मार्फत प्रधानमन्त्री र राष्ट्रपतिले साँठगाँठपूर्ण ढङ्गबाट लोकतन्त्रविरुद्ध गरिरहेको निरन्तर प्रहारको एकबद्ध भएर विरोध गर्न सम्पूर्ण नागरिक तथा राजनीतिक दलहरूलाई आह्वान समेत गरेको छ ।