Advertisement
SKIP THIS
आज:  | Mon, 02, Aug, 2021
FLASH NEWS

गाई काटेको आरोपमा दुईजना पक्राउ


समृद्ध अनलाईन २ श्रावण २०७८, शनिबार १०:५२ मा प्रकाशित ( हफ्ता अघि) १४८४८ पाठक संख्या

संखुवासभा । संखुवासभाको खाँदबारी नगरपालिका–८ मा गाई काटेको आरोपमा दुईजना पक्राउ परेका छन् । पक्राउ पर्नेमा भारतको सिलिगुडी घर भई हाल खाँदबारी–८ बस्ने २७ वर्षीय अम्बर तामाङ र सोही ठाउँका १८ वर्षीय डम्बर विक रहेका छन् ।

उनीहरुलाई शुक्रबार दिउँसो खाँदबारी–८ भोटबारीबाट पक्राउ गरिएको जिल्ला प्रहरी कार्यालय संखुवासभाका प्रहरी निरीक्षक शुभेष अधिकारीले जानकारी दिए । गाई काटेको भन्ने खबर पाउनसाथ खटिएको प्रहरी टोलीले भोटबारीबाट पक्राउ गरेको उनको भनाइ छ ।

तामाङको घरबाट ३०० मिटर पूर्वमा रहेको खोला किनारबाट गाई काटिरेहको अवस्थामा पक्राउ गरेको प्रहरीले जनाएको छ। अन्य दुईजना फरार रहेकाले प्रहरीले खोजी गरिरहेको जिल्ला प्रहरी कार्यालय संखुवासभाले जनाएको छ ।

पक्राउ परेकामाथि गौवधसम्बन्धी मुद्दा चलाइएको प्रहरीले जनाएको छ। गौवधसम्बन्धी मुद्दामा तीन वर्षसम्म कैद हुन कानुनी ब्यवस्था रहेको प्रहरीले जनाएको छ।